Украина президенті Владимир Зеленский АҚШ президенті Дональд Трамппен телефон арқылы сөйлескенін мәлімдеді, деп хабарлайды Todayinfo.
Мемлекет басшылары Украинадағы соғысты тоқтату жолдарын және елдің әуе қорғаныс жүйесін күшейту мәселелерін талқылаған.
Зеленский келіссөздің нәтижелі өткенін айтып, Трампқа қолдау көрсеткені үшін ризашылығын білдірді. Оның айтуынша, тараптар Украинаның қорғаныс қабілетін арттыруға бағытталған жаңа бастамаларды қарастырған.
“Егер Трамп Таяу Шығыстағы соғысты тоқтата алған болса, Украинадағы соғысты да аяқтай алады. Біз аз ғана уақыт бұрын өте нәтижелі сөйлестік. Қолдау көрсетуге дайын болғаны үшін ризамын. Әуе қорғанысын күшейту мен өзара келісімдер бойынша жақсы нұсқалар бар”, – деді Зеленский.
Фото:© AP Photo / Julia Demaree Nikhinson
