Түркия түркі халықтарына «шетелдік» мәртебесін алып тастады – қазақстандықтарға жаңа мүмкіндік ашылды деп хабарлайды Todayinfo.kz.
Түркия президенті Режеп Тайып Ердоған жаңа жарлыққа қол қойып, Қазақстан, Қырғызстан, Өзбекстан, Әзербайжан және Түрікменстан азаматтарын «шетелдік» санатынан ресми түрде шығарып тастады.
Бұл шешім түркі елдерінен келген азаматтарға Түркияда еркін жұмыс істеуге, білім алуға, мемлекеттік және жеке секторда бизнес жүргізуге жол ашады.
Басты шарт – ықтиярхат (ВНЖ) пен қажетті кәсіби біліктілік болуы.
Бұл нені білдіреді?
Сарапшылардың пікірінше, бұл қадам жай ғана «мигранттарға жеңілдік» емес, Түркияның жаңа түркі интеграция моделін құру әрекеті.
Анкара экономика, мәдениет және білім арқылы түркі мемлекеттерін өз орбитасына тартуды көздеп отыр — саясатсыз, қысымсыз.
Ресейлік Telegram-арналар неге абыржуда?
Қызығы, бұл жаңалық таралған сәтте бірқатар ресейлік Telegram-каналдар «паника» режіміне өтті. Олар:
-
«османдар құлдарға есік ашты»,
-
«түркілерді элитаны қызмет етуге шақырды»
деген сарындағы пікірлер тарата бастады.
Алайда ешқандай «құлдық» жоқ — тек прагматикалық серіктестік. Түркия өзіне ыңғайлы жүйе жасаса, бұл түркі елдері үшін де тиімді.
Егер біреу бұл шешімнен қауіп көріп отырса — онда Анкара бәрін дұрыс жасап жатыр деген сөз.
Бұл Қазақстан азаматтары үшін:
Еуропа мен Азияның түйіскен жерінде жаңа еңбек және бизнес нарығына шығу мүмкіндігі,
Түркияда заңды түрде оқуға және мансап құруға жол,
Түркі елдері арасында жаңа интеграциялық дәуірдің бастауы.
