Фото: instagram.com/bivol_d/
Қырғызстан Ішкі істер министрлігі боксшы Дмитрий Биволдың бұрынғы жұбайының қырғыздар мен қазақтарды қорлайтын мәлімдемесіне байланысты алдын ала тергеу жүргізіп жатыр, деп хабарлайды Todayinfo.kz ақпарат агенттігі.
ІІМ өкілдері мұндай әрекеттерге жол берілмейтінін атап өтті. Ведомствоның мәлімдеуінше, ұлтаралық сыйластық пен төзімділік қағидаттарына қайшы келетін кез келген сөз немесе іс-әрекет заңмен қаралады. Тұрғылықты жеріне қарамастан, әрбір азамат адамгершілік пен құқық нормаларын сақтауға, өшпенділік пен алауыздықты қоздырудан аулақ болуға тиіс. Бұған дейін Екатерина Бивол әлеуметтік желіде қазақтар мен қырғыздарды кемсітетін пікір қалдырған. Сондай-ақ, ол қырғыз азаматтарының Ресейде жеткізу қызметінде жұмыс істейтінін мысқылдап, “заң қатайып жатыр, сақ болыңдар” деген мазмұндағы сөз айтқан.
«Мұндай әрекеттерге жол беруге болмайды. Ол ұлтаралық сыйластық пен төзімділік қағидаттарына қайшы келеді. Тұратын жеріне қарамастан, әр адам моральдық және құқықтық нормаларды сақтауға, араздық пен өшпенділікті қоздырмауға міндетті. Қазіргі уақытта бұл факт тіркеліп, тиісті сараптамалар тағайындалды»,–деп пікір білдірді Қырғызстан ІІМ.
