SABA Group компаниясы Республика күні қарсаңында қалашық тұрғындарына арналған мерекелік іс-шара ұйымдастырды, деп хабарлайды Todayinfo.
Көпшілікке арнап кең дастархан жайылып, ұлттық тағамдар әзірленді. Балалар үшін аниматорлар түрлі ойындар мен байқаулар өткізіп, мерекелік көңіл-күй сыйлады.
«Біз бұл шараны тұрғындармен бірге еліміздің басты мерекесін атап өту үшін өткіздік. Барша қатысушыларға көтеріңкі көңіл-күй мен жылулық сыйлауға тырыстық», — деді компания өкілі.
Айта кетейік, осы маңайда SABA Group KZ компаниясы жүзеге асырып жатқан «Әл-Фараби іскерлік орталығы» жобасы орналасқан. Кешен құрамына бизнес-орталық, апарт-отельдер және басқа да коммерциялық нысандар кіреді.
Бұл жоба қонақүй және қызмет көрсету саласын дамытуға бағытталған ірі инвестициялық бастамалардың бірі болып табылады. Нысанда екі деңгейлі жерасты автотұрағы бар заманауи бизнес-орталық салынған.
