Қазақстандықтардың 3,5 млрд теңгесін қалтасына басқан Перизат Қайрат 11 жыл бұрын «Қуандық пен Бақыт» театрында актриса болған, деп хабарлайды Todayinfo.
Перизат Қайрат актер Қуандық Шәкіржановпен бір сахнада өнер көрсетіпті.
Видео 2014 жылы 11 қаңтарда желіге жүктелген. Перизат Қайрат онда Қуандық Шәкіржановтың әйелінің рөлін сомдаған.
Оның сондай-ақ қазіргі танымал актерлермен бірге түскен суреттері де бар екен.
Айта кетейік, Перизат Қайрат 2024 жылдың қарашасында қазақстандықтардың қайырымдылыққа деп жинаған 3 млрд теңгеден астам қаражатын өз қажетіне жұмсап, талан-таражға салғаны үшін ұсталған.
Бұл қаражат мүмкіндігі шектеулі балаларға, Қазақстандағы су тасқынынан және Таяу Шығыстағы қақтығыстан зардап шеккендерге қайырымдылық көмегі ретінде жиналған. Қылмыстық іс сотқа жолданды. 9 шілдеде Астана сотында ұрланған қаражаттың жалпы сомасы нақтыланып, 3,5 миллиард теңгені құрағаны айтылды.
Сот үкімімен Перизат Қайрат 10 жылға, ал анасы 7 жылға сотталған болатын.
Фото: Aiqyn.kz
