Alatau City — заманауи Қазақстандағы ең ауқымды қала құрылысы жобаларының бірі. Ол шаһар өмірі мен цифрлық басқарудың жаңа стандарттарын қалыптастыруды мақсат етеді. Бұл жай ғана тұрғын ауданы немесе Алматы маңындағы жоба ғана емес — ерекше мәртебеге ие, тұрақты даму, экологиялық тепе-теңдік және технологиялық интеграция қағидаттары бойынша жаңадан бой көтеретін «қала ішіндегі қала».
Жоба Алматы облысында жүзеге асырылуда және ол төрт дистрикттен тұрады — Gate, Golden, Growing және Green, олардың әрқайсысы өз бағыты бойынша дамиды: өнеркәсіптік-логистикалық пен іскерлік орталықтан бастап, ғылыми-білім беру және туристік кластерлерге дейін.
Жақында ҚР Премьер-Министрінің орынбасары Қанат Бозымбаев осы аумақтардың құрылысқа дайындық барысымен танысты. Үкіметтің баспасөз қызметі хабарлағандай, мұндай құрылым жұмыс, өмір сүру, ғылым және демалыс функциялары табиғи үйлесім тапқан теңгерімді экожүйе құруға мүмкіндік береді.
«Alatau City — жаңа қала тарихын ақ парақтан бастап, қалыптастыруға мүмкіндік беретін ерекше бастама. Негізгі басымдықдар қатарында көлік, инженерлік, әлеуметтік және цифрлық инфрақұрылымды дамыту бар. Инвесторлармен бірлесе қаланатын іргетас тұрақты даму мен цифрлық басқару қағидаттарын енгізуге, адамдардың жайлылығы мен қауіпсіздігіне қызмет ететін жаңа қалалық өмір мәдениетін түзуге жол ашады. Осындай тәсілдің, қолайлы орналасу мен мемлекет қолдауының арқасында Alatau City шетелдік инвестициялар мен халықаралық тәжірибені тартуға қабілетті, бұл өз кезегінде аймақтың экономикалық өсімінің драйверіне айналуына бағыт-бағдар береді. Жоба Қазақстандағы жаңа буындағы инновациялық, экологиялық және халықаралық деңгейде мойындалған Smart-қалалардың үлгісіне айналатынына сенімдімін», — дейді INTEGRA CITY компаниялар тобы Орталық Азиядағы өкілдігінің басшысы Павел Лоран.
Болашақтың экологиялық қаласы
Alatau City жобасының негізгі қағидаттарының бірі — қоршаған ортаға ұқыпты қарау мен қамқорлық таныту. Жоба аясында «жасыл» технологияларды енгізу көзделген, яғни энергия үнемдейтін ғимараттар мен су ресурстарын қайта пайдалану жүйелерінен бастап, жаңартылатын энергия көздерін қолдану және қалдықтарды бөлек жинауға дейін.
Қала аймақтың табиғи тепе-теңдігін сақтай отырып, көміртегі салдарын барынша азайту мақсатында жобалануда. Осы мақсатта саябақ аймақтары, жасыл бағыттар және «ақылды көгалдандыру» элементтері қаланың барлық бөлігіне біріктіріледі.
Green District ерекше назарда, бұл — жыл бойы жұмыс істейтін, отбасылық демалыс пен ойын-сауыққа арналған кешенді курортты қамтитын ауқымды туристік кластер. Ол Алматы облысындағы жаңа тартылыс нүктесіне айналып, табиғи сұлулық пен заманауи технологияларды үйлестіретін кеңістік болмақ.
Мұнда тұрақты инфрақұрылымы бар «жасыл қала» тұжырымдамасы жүзеге асырылады: су ресурстары сақталып қана қоймай, көбейтіледі, ал қалдықтар мен энергия тұтынуды басқаруда инновациялық шешімдер қолданылады. Бұл Alatau City жобасын Қазақстандағы экологиялық жауапты урбанизмнің үлгісіне айналдырады.
Цифрлық ДНҚ-сы бар қала
Alatau City «цифрлық ДНҚ-сы» бар қала ретінде жобалануда — мұнда технологиялар қосымша элемент емес, қалалық экожүйенің өзегіне айналады. Инфрақұрылымның әрбір бөлігі — көлік пен энергетикадан бастап экологиялық мониторинг пен қауіпсіздік жүйелеріне дейін деректерді жинап, талдап және нақты уақыт режимінде қаланы басқаруға мүмкіндік беретін бірыңғай интеллектуалды желіге біріктіріледі.
Мұндай тәсіл ресурстарға түсетін жүктемені болжауға, процестерді оңтайландыруға және тұрғындардың қажеттіліктеріне жедел әрекет етуге жағдай жасайды. Қауіпсіздік пен жайлылық — осы тұжырымдаманың ажырамас бөлігі: интеллектуалды бейнебақылау жүйелері, инциденттерді талдау және нақты уақыттағы хабарландырулар тұрғындар өздерін қауіпсіз әрі сенімді сезінетін сенімді цифрлық ортаны қалыптастырады.
Жобаға деген қызығушылық бүгіннің өзінде тек мамандар деңгейінде ғана емес, жергілікті тұрғындар арасында да айқын сезіледі. Alatau City Алматы облысында іскерлік орта мен көршілес жандар арасындағы әңгіме барысында да айтылып жүр. Тұрғындар жай девелоперлік жобаны ғана болып қоймай, технологиялардың жұртшылықтың өмір сапасын шынымен жақсарта алатынына үміттенеді, құрылыс жұмыстарының белсенді кезеңін асыға күтеді.
«Ең бастысы — жаңа технологиялар есеп үшін емес, адамдар үшін жұмыс істеуі керек. Біз, тұрғындар, осы жобаға үлкен қызығушылықпен қарап отырмыз, Alatau City шынымен ақылды, әрі ыңғайлы қала болады деп сенеміз. Күнделікті өмірді жеңілдететін шешімдердің, оның ішінде көліктен бастап, экология мен цифрлық сервистерге дейін пайда болуын күтеміз. Бұл жоба тың бастама сипатында емес, кезінде Астана сияқты ел үшін серпіліс әкелсе деп пайымдаймыз», — дейді Алматы облысының тұрғыны Арман П.
Әмбебап шешімдер мен серіктестік экожүйелер
Нағыз «ақылды» қаланы құру үшін девелоперлер мен сәулетшілерден бастап, ІТ-компаниялар мен UrbanTech-шешімдерін жеткізушілерге дейін көптеген тараптардың үйлесімді қатысуы қажет.
Қазіргі уақытта Alatau City-дің цифрлық инфрақұрылымын құру форматы нақты айқындала түсуде — ол бірыңғай оператор басқаратын экожүйе, әлде әртүрлі компаниялардың шешімдерін біріктіретін модель бола ма, бұл кейінірек анықталмақ. Дегенмен, жобаның аралас модель бойынша дамуы ықтимал: яғни, әзірлемелер нарықтағы жетекші ойыншылардың технологияларымен толықтырылады. Платформаны таңдау стратегиялық мәнге ие, өйткені ол қаланың тұрақтылығын, қауіпсіздігін және басқару жеңілдігін айқындайды.
Мұндай тәсіл бірыңғай цифрлық кеңістікте негізгі жүйелерді — бейнеаналитика мен көлік мониторингінен бастап, инженерлік желілер мен қалалық қауіпсіздікті басқаруға дейін — біріктіруге мүмкіндік береді. Бұл технологиялардың икемділігін, ауқымдылығын және өзара үйлесімділігін қамтамасыз етеді, ал бұл нөлден бастап ұзақ мерзімді дамуға бағытталған қалалар үшін аса маңызды.
«Ашық қала» моделі мемлекет пен технологиялық бизнес арасындағы серіктестікке негіз болады. Бұл — жеке-жеке қызметтер жиынтығы емес, бүкіл қалалық экожүйе деңгейінде жұмыс істейтін әмбебап шешімдер жүйесі.
Осындай кешенді тәсілдің бір мысалы — INTEGRA CITY, заманауи қалаларды басқарудың әмбебап INTEGRA платформасына негізделген цифрлық түрлендіру драйвері. Ол энергетика, жарықтандыру, көлік, қауіпсіздік, тұрғын үй-коммуналдық шаруашылығы, экология және басқа да салаларды біріктіріп, Smart City жүйесінің толыққанды жұмыс істеуін қамтамасыз етеді.
INTEGRA CITY мамандарының айтуынша, интеграцияланған платформалық шешімдер қалалық ортаны дамытудағы заманауи сын-қатерлерге тиімді жауап беруге мүмкіндік береді, ал бұл үдеріс ресурстарды басқаруды оңтайландырудан бастап, өмір сапасы мен ашықтықты арттыруға дейін жалғасады. Платформа нақты уақыт режимінде IoT-құрылғыларынан деректер жинап, оларды талдайды, инженерлік желілерді басқарады, қоғамдық қауіпсіздікті қамтамасыз етеді және тұрғындармен тиімді кері байланыс орнатады. Мұндай технологиялар тұрақты цифрлық басқарудың негізін қалыптастырып, қала, бизнес және тұрғындар арасындағы өзара әрекеттестікті анағұрлым ашық, әрі нәтижелі етеді.
Технология тілінде сөйлейтін қала
Alatau City — бұл цифрлық технологиялар қосымша құрал емес, дамудың іргетасына айналатын, Қазақстанның жаңа урбанистикалық дәуірінің символы. Қала цифрлық негізде жобаланады, мұнда сәулет, энергетика, көлік және әлеуметтік қызметтер бірыңғай басқару жүйесіне біріктірілген.
Болжам бойынша, 2050 жылға қарай Alatau City 1,87 миллион тұрғынның мекеніне, сондай-ақ жыл сайын 4 миллионнан астам турист үшін тартымды бағытқа айналады. Қала шамамен 1 миллион жұмыс орнын қамтамасыз етіп, білім беру мекемелері 40 мыңға дейін студент қабылдай алады. Тұрғын үй қоры 55,8 миллион шаршы метрге жетіп, әр тұрғынға орта есеппен 30 шаршы метр жайлы кеңістік ұсынылады, ал 3,6 миллион шаршы метр аумақты қаржы және іскерлік нысандар алады.
Бұл жоба қалалардың болашағы инженерия, деректер және адам қажеттіліктерінің синтезінде екенін дәлелдейді. Alatau City заманауи ақылды қаланың келешекте қандай бола алатынын көрсетеді — ашық, қауіпсіз және өмір сүруге шын мәнінде ыңғайлы.
