Фото: ortalyq.kz
Ақтөбе облысының тұрғындары түгелге жуық таза ауыз сумен қамтамасыз етілген. Президенттің тапсырмасы жылдың соңына дейін толықтай орындалады, деп хабарлайды Todayinfo ақпараттық агенттігі.
Өңірде жасалып жатқан жұмыстар жайлы Ақтөбе облысының әкімі Асхат Шахаров толықтай баяндап берді.
«Президент тұрғындарға 100 пайыз таза ауыз сумен қамтып, жеткізуге тапсырма берді. Биыл өңірдегі 10 ауылды таза сумен қамту үшін жұмыс жасалып жатыр. Осы күнге дейін 4 ауылды аяқтадық. Жылдың соңына дейін 6 ауылға толықтай таза ауыз су жетеді, тиісті қаржы бөлдік. Сол кезде біз облысты толықтай сумен қамтимыз», — деді өңір басшысы.
Сонымен қатар облыс әкімі проблемаларды да тізіп шықты. Айтуынша, жол, инфрақұрылым, газдандыру, әлеуметтік мәселер аз емес.
«Біз орнымызда тұрған жоқпыз. Жұмыс істеп жатырмыз. Көп жұмыс істеп жатырмыз. Екі жылға ғана емес, алдыңғы жылдарға арналған жоспар, жұмыстарымыз бар. Сақалды құрылыстар бар. Кейбір аудандарда 95 пайызы бітіп, құрылысы толық аяқталмаған жобалар бар. Қалада бес жоба бар, оның екеуі шешіледі. Қаржы бөлінді. Аудандарда екі құрылыс мәселесі бар», — деді Ақтөбе облысының әкімі Асхат Берлешұлы.
