Фото: gettyimages.com
Солтүстік Корея мектептерінде орыс тілі міндетті пән ретінде оқытылып жатыр, деп жазады Todayinfo.kz.
Бұл ақпаратты Ресей мен КХДР арасындағы үкіметаралық комиссияның төрағасы, Ресейдің табиғи ресурстар және экология министрі Александр Козлов растады.
Оның сөзінше, КХДР-де орыс тілі 4-сыныптан бастап негізгі пәндердің қатарына енгізілген. Ал Ресейдің өзінде 3 мыңнан астам оқушы корей тілін меңгеріп жүр. Олардың көбі корей тілін екінші немесе үшінші шет тілі ретінде таңдайтын көрінеді.
Козловтың айтуынша, орыс тілі Солтүстік Кореяда ең көп сұранысқа ие үш шет тілдің бірі саналады. Қазір ел ішінде орыс тілін оқып жүргендер шамамен 600 адамды құрайды.
Сонымен қатар министр келесі жылы Ким Чхоль Чжу атындағы Педагогикалық университет базасында орыс тілінде ашық білім беру орталығы іске қосылатынын атап өтті.
