Шығыс Қазақстан облысы Риддер қаласы тұрғынының үйінен 7 келі есірткі табылды.
ШҚО Полиция департаменті баспасөз қызметінің мәліметіне сүйенсек, жедел уәкілдер үйде аса ірі мөлшерде марихуана сақтаған Риддер қаласының тұрғынын ұстады.
«Күдіктінің жер үйін тінту кезінде салмағы 7,2 келіден асатын, құрамында өсімдік тектес есірткі затына ұқсас екі картон қорап, екі қағаз орамасына салынған қара пакет және есірткіні қолдануға арналған ыдыс тәркіленді. Алынған заттай дәлелдемелер сараптамаға жіберіліп, оның қорытындысына сәйкес, пакет ішіндегі кептірілген марихуана екені белгілі болды», — делінген ақпаратта.
Тәртіп сақшылары есірткі заттарын аса ірі мөлшерде өткізу мақсатынсыз сатып алу, сақтау, тасымалдау фактісі бойынша қылмыстық іс қозғады.
Күдікті 7 жылға дейінгі мерзімге бас бостандығынан айырылуы мүмкін.
