Алматы қаласы Қоғамдық денсаулық сақтау басқармасының эпидемиологиялық бақылау бөлімінің басшысы Бақжанар Мұхамадиева тұмаудың таралуын тежеу үшін қандай шаралар қолданылып жатқанын айтты.
Мұхамадиеваның айтуынша, 1 қыркүйектен бастап қала емханаларының барлық сүзгілері мен егу кабинеттері күшейтілген жұмыс режиміне ауыстырылады, ол демалыс және мереке күндері де жұмыс істейді.
— Қала бойынша фельдшерлік бригадалардың жұмысы үшін емханалар жанындағы жедел медициналық жәрдем бөлімшелері деңгейінде 4-санаттағы шұғыл шақыруларға қызмет көрсету үшін 102 жедел жәрдем автокөлігі бөлінді. Бұл пациенттерге үйде жедел қызмет көрсетуге мүмкіндік береді. Бүгінгі таңда халыққа 186 жедел жәрдем бригадасы қызмет көрсетеді. Қажет болған жағдайда олардың саны 200-ге дейін артады, — деді қалалық денсаулық сақтау басқармасының басшысы tengrinews.kz тілшісіне.
ЖРВИ және тұмаумен ауыратын науқастарды ауруханаға жатқызу үшін қала стационарларында 453 төсек дайындалды. Егер науқастардың саны көбейсе, қосымша 90 төсек орналастырылды.
— Ауруханалар да қарқынды терапия жүргізуге дайын. Бүгінгі таңда қаланың медициналық мекемелері 892 өкпені жасанды желдету аппаратымен (ӨЖЖ) жабдықталған, бұл тұмау мен ЖРВИ-мен ауыратын науқастарға көмек көрсетуге мүмкіндік береді», — деді Бақжанар Мұхамадиева.
Ол ЖРВИ және коронавируспен сырқаттанушылық басым тәртіпте өскен жағдайда, жедел жәрдем бір жасқа дейінгі балалар мен жүкті әйелдерге қызмет көрсететінін атап өтті.
