Талғар ауданының тұрғыны Атомбек Баетов референдум учаскесіне барып, өз таңдауын жасады.
«Еліңнің патриоты болсаң, мемлекет тағдырына бейжай қарамасаң, референдум бару – ең алдымен азаматтық борышың! Өйткені, адамдар белсенді болған сайын, мемлекет барынша дамудың даңғыл жолына түседі», – деді АЭС салуға қатысты таңдауын жасаған Атомбек Баетов.
Алғашқы дауыс беру
Алатау қаласында үш жас өздерінің 18 жасқа толуын атап өтіп, алғашқы рет дауыс беруге қатысты. №379 учаскеде оларды сайлау комиссиясының мүшелері құттықтап, өмірлеріндегі алғашқы бюллетеньдерді табыс етті.
Азаматтар еліміздің болашағына жауапкершілікпен қарайтынын, мұндай шараларға қатысуды парыз санайтындарын айтты. Олар өз қаласы мен Қазақстанның өркендеуіне белсенді түрде араласуды қалайды. Бұл дауыс беру соның бастамасы екенін жеткізді.
Сайлау комиссиясының мүшелері де осы оқиғаның маңыздылығын атап өтіп, жастардың өз құрдастарына үлгі болатынына баса назар аударды.
Бүгінгі Республикалық референдумда Райымбек ауданы Текес ауылы №768 сайлау учаскесінде Қазақ балалар әдебиетінің классигі Бердібек Соқпақбаевтың інісі Ержан Аманбаев даусын беріп, өз таңдауын жасады.
