Светлана Жолманова аса ірі көлемде алаяқтық жасады деген күдікке ілінген, деп хабарлайды Todayinfo ақпарат порталы.
Жолманованы ұстау фактісін Алматы полиция департаменті растады.
Медеу аудандық полиция Басқармасы алаяқтық дерегі бойынша қылмыстық іс қозғады. Күдікті полицияға жеткізілді. Тергеу шаралары жүргізіліп жатыр,- деді Алматы қаласы полиция департаментінің ресми өкілі Салтанат Әзірбек.
Айта кетейік, 2021 жылдың 28 сәуірінде Алматы қаласы Медеу аудандық сотының судьясы Светлана Жолманова алаяқтық жасады деген күдікке ілінді. Тінту кезінде судьяның кабинетінен 10 мың доллар тәркіленген. Ол сот шешімдерін белгілі бір адамдардың пайдасына шығаруға көмектескен. 29 сәуірде Жоғарғы сот төрағасының өкімімен Светлана Жолманованың өкілеттігі тоқтатылды. 2023 жылдың 12 мамырында Тоқаевтың Жолманованы жұмыстан шығарғаны белгілі болды.
Жоламанова Алматының экс-әкімі Бауыржан Байбектің жақын танысы. Экс-әкімнің де әйелі танымал судья болған. Жоламанованың парамен ұсталған соң жазадан құтылуына Бауыржан Байбектің ықпалы болған деп санайды ел.
