Алматы қаласында өткен Sana Business Forum 2.0 шарасы кәсіпкерлер мен бизнес-қоғамдастық өкілдерін бір арнаға тоғыстырды. Бұл туралы Todayinfo.kz ақпарат агенттігі хабарлайды.
Форумның түстен бұрынғы кезеңінде шағын бизнесті масштабтау, инновациялар енгізу және қызметкерлерді ынталандыру сияқты маңызды тақырыптар көтерілді.
Біз тарих жасап жатырмыз деген Sana Business Forum негізін қалаушы Мақсат Халық “Экономикалық Трендтер және бизнес” тақырыбында баяндама жасады.
“Қазақстан мен әлем экономикасындағы қаржы мәселесі: қазір арзан ақша аяқталып, қымбат ақша көбейіп жатқан кезең” дейді М. Халық.
Панельдік сессия: “Идеядан империяға”
Форумның алғашқы панельдік сессиясы “Идеядан империяға: Шағын бизнесті масштабтаудың сәтті кейстері” тақырыбында өтті. Модераторлықты “Meiman Group” компаниясының басқарма төрағасы, “Degusto coffee” және “Keremet Food” жобаларының авторы, Sana Business Academy құрылтайшысы әрі форумның бас ұйымдастырушысы Әділет Бағдат атқарды.
Спикерлер:
•Болатбек Дәлелханұлы, “Golden Bridge Partners” және “Jana Post” компанияларының негізін қалаушы
•Ерлан Андаспаев — “Coca-Cola” және “Food Master” компанияларының ресми дистрибьюторы.
•Аятжан Ахметжан — “Qazbilim Group” компаниясының басқарма төрағасы.
•Әбдулқасым Сойырқас — “Almaty Turmystyq Tehnika Zavody” және “Dauscher” компанияларының негізін салушы.
Спикерлер өздерінің тәжірибелерімен бөлісіп, шағын бизнесті ірі деңгейге көтерудің тиімді жолдары туралы әңгімеледі.
Инновациялар уақыты: Екінші блок
Форумның екінші блогы инновацияларға арналды. Жаңа идеялар мен технологиялар арқылы бизнесті дамыту мәселелері талқыланды.
•Болатбек Дәлелханұлы, “Golden Bridge Partners” және “Jana Post” компанияларының негізін қалаушы, “Бизнес және қателіктер: Мен құлаған 10 шұңқыр” тақырыбында баяндама жасады. Ол кәсіпкерлік жолындағы қателіктері мен олардан алған сабақтары туралы ашық айтты.
•Айгүл Қуатқызы — HR маманы, “Centras Insurance” сақтандыру компаниясының басқарушы директоры, “TechnoWomen” бірлестігінің мүшесі. Ол “Ақшадан да құнды: Қызметкерлерді шабыттандыратын материалдық емес әдістер” тақырыбында сөз сөйледі. Спикер қызметкерлерді ынталандырудың креативті тәсілдерімен бөлісті.
•Арслан Назарали — “Sona Lab” химия өндірісі және “Acvee market” B2B экожүйесінің негізін қалаушы. Оның баяндамасы “Бәсекелестерден бір қадам алда: Sona Lab-тың тиімді бизнес модель құру жолы” тақырыбында болды. Арслан тиімді бизнес модель құрудың құпияларымен бөлісті.
Форумның маңызы
Sana Business Forum 2.0 қазақстандық кәсіпкерлер үшін тәжірибе алмасу, жаңа байланыстар орнату және бизнесті дамыту бағыттарын анықтау алаңы болды. Шараға қатысушылар заманауи трендтер мен инновациялық тәсілдер туралы құнды ақпарат алды.
