«Ислам мемлекеті» ұйымының (Қазақстанда бұл ұйымға тыйым салынған) қолдаушысы саналатын Ливия азаматы Берлиндегі Израиль елшілігінде теракт жасамақ болды деген күдікке ілінді.
Германия федералды прокуратурасының өкілі Михаэль Рамельлердің хабарлауынша, неміс билігі шетелдік барлау қызметтерінің бірінен алынған ақпараттың арқасында лаңкестің ізіне түскен.
«19 қазан күні кешке Берлин маңындағы Бернауда және Бонн маңындағы Сент-Августин қаласында полиция операциялары өтті. Күдікті шетелдік террористік ұйымға мүше болды деген айыппен Бернау маңында ұсталды», – деді прокуратура өкілі.
Полиция мәліметінше, 28 жастағы Ливия азаматын Израиль елшілігіне шабуыл жасап, кейін Әулие Августиндегі туысының үйіне жасырынуды жоспарлаған.
Күдікті Германияға 2022 жылы келген, ал 2023 жылдың қаңтарында баспана сұраған. Оның өтініші қабылданбаған. Дегенмен ол Бернауда қалуға бел байлаған. Тергеу мәліметінше, ер адам ДАИШ ұйымын қолдайды.
