25 қазанда Алматы, Атырау және Ақтөбе қалаларында қолайсыз метеорологиялық жағдайлар салдарынан ауаның ластануы күтілуде. Қазгидромет мәліметінше, бұл қалаларда атмосферада зиянды заттардың жиналуына ықпал ететін метеофакторлар байқалады.
Фото ©️ Tengrinews.kz / Алихан Сариев
Қолайсыз метеорологиялық жағдайлар (ҚМЖ) – атмосфералық ауаның беткі қабатында зиянды заттардың шоғырлануына себеп болатын қысқа мерзімді ауа райы құбылыстарының жиынтығы. Оларға тымық ауа райы, жеңіл жел, тұман және инверсия кіреді. ҚМЖ кезінде елді мекендердегі ауа сапасы нашарлауы мүмкін.
Ауа ластануының әсерін төмендету үшін тұрғындарға қажет болған жағдайда ашық ауада көп уақыт өткізбеуге және денсаулығына назар аударуға кеңес беріледі.
