Жамбыл ауылында Республика күніне орай жаңа мәдениет үйі ашылды

Алматы облысы Райымбек ауданының Жамбыл ауылында Республика күніне орай жаңа мәдениет үйі ашылды. 657 шаршы метрлік ғимараттың құрылысына 392 млн теңге бөлініп, заманауи жабдықтармен толық қамтамасыз етілген. Бұл мәдениет ошағы ауыл тұрғындары мен жас өнерпаздарға шығармашылықпен айналысуға және өнерлерін дамытуға үлкен мүмкіндік береді. Бұған дейін ауылда мәдениет үйі болмағанына қарамастан, тұрғындар аудандық және облыстық өнер сайыстарында белсенділік танытып, жүлделі орындарға ие болған.
Жаңа ғимараттың ашылуы ауыл мәдениетінің дамуына, жастардың өнерге деген қызығушылығын арттыруға үлкен серпін береді. Республика күні қарсаңында ашылған мәдениет үйі ауыл тұрғындары үшін маңызды тарихи оқиға ретінде бағаланып отыр.