12 жастағы Зерені «Астана-Орал» рейсінен түсіріп кеткен Air Astana компаниясы сотта жеңілді. Компания 5 млн теңге моральдық өтемақы төлейтін болды, деп хабарлайды Todayinfo.
Зере мен анасының мүддесін қорғаған адвокат Данильхан Шағатаев сөзінше, сотта әуе тасымалдаушы моральдық өтемақыны 5 миллион теңгеден 1,5 теңгеге дейін төмендетуді сұраған.
«Алматы қалалық сотының апелляциялық алқасы шағымды қанағаттандырудан бас тартып, бірінші соттың шешімін өзгеріссіз қалдырды. Бұл дегеніміз, баланың анасы 5 миллион теңге көлемінде моральдық өтемақы алатын болды», – дейді Шағатаев.
Адвокат сот актісі заңды күшіне енгенін айтты.
