Трамп ресей президенті Путинге ескерту ретінде жазба арнады. Егер Украинаға қарсы соғысты тоқтатпаса Ресей ауыр санкцияларға ұшырайтынын ескертті, деп хабарлайды Todayinfo.
«Мен Ресейге зиян келтіргім келмейді. Мен орыс халқын жақсы көремін және президент Путинмен үнемі жақсы қатынаста болдым. Бұл тіпті радикалдардың «Ресей, Ресей, Ресей» деп ұрандатқанына қарамастан солай болды», — деп жазды Трамп.
Ол Ресейдің Екінші жаһан соғысында 60 млн адамын жоғалта отырып соғысты жеңуге көмектескенін еске салды. АҚШ президенті мағынасыз соғысты тоқтату кеерк деп санайды. Украинамен бейбіт келісімге келмесе Ресей ауыр санкцияларға ұшырайды.
«Осының барлығын ескере отырып, мен экономикасы құлдырап бара жатқан Ресейге және президент Путинге үлкен ұсыныс жасағым келеді. Дәп қазір келісім бастаңдар да, мына бір мағынасыз соғысты аяқтаңдар! Бұл тек ушыға бермек! Егер біз жақын аралықта «келісім» жасай алмасақ, онда менің Ресейдің АҚШ-қа және өзге елдерге шығаратын тауарларына жоғары баж салығы, жоғары тариф енгізіп, санкция салуымнан басқа амалым қалмайды. Мен президент болсам, бұл соғыс болмас еді. Бұл соғысты аяқтайық. Біз оны жеңіл немесе қиын жолмен іске асыра аламыз. Жеңіл жол қашанда тиімді. «Келісім жасар» сәт келді. Енді бірде бір өмір үзілмеуі тиіс», — деді АҚШ президенті.
