Фото: gov.kz/
2024 жылдың 4 сәуірінде Ақтөбе облысы Хромтау ауданындағы «Мағаджан» плотинасы суға шыдамай, жарылып, Табантал, Қызылту және Бесқоспа ауылдарын топан су басты, деп хабарлайды Тodayinfo ақпараттық порталы.
Бұл оқиғаға кінәлі деп танылған басқарушы компанияның 75 жастағы директоры 2 жыл 6 айға шартты түрде бас бостандығынан шектелді.
Плотина апатының салдары
Прокуратураның мәліметінше, плотинаға жауапты компанияның директоры пайдакүнемдік мақсатта суды ағызу бойынша тиісті шаралар қабылдамаған. Салдарынан үш ауылдағы тұрғындардың үйлері су астында қалып, жеке мүліктеріне зиян келген, ауыл жолдары бұзылған.
Сот үкімі
Хромтау аудандық соты компания директорын Қылмыстық кодекстің 254-бабы («Абайсызда ауыр зардаптарға әкеп соқтырған шаруашылық қызметінің қағидаларын бұзу») бойынша кінәлі деп таныды. Сот үкімі бойынша:
2 жыл 6 ай мерзімге бас бостандығынан шектеу жазасы тағайындалды;
3 жылға су шаруашылығы саласында жұмыс істеуге тыйым салынды.
Алайда үкім әлі заңды күшіне енген жоқ.
