Фото: Caravan.kz
Ставропольде полицейлер жылағаны үшін қызын өлтірген әйелді ұстады, деп хабарлайды Тodayinfo ақпараттық порталы.
Полиция қызметкерлері төрт айлық қызының қатты жылағанына ашуланып, оны жастығымен тұншықтырып өлтірген 33 жастағы Ставрополь тұрғынын ұстады. Бұл туралы «Лента.ру» — ға Ресейдің Ставрополь өлкесі бойынша тергеу комитетінің басқармасы хабарлады.
Алдын ала мәлімет бойынша, оқиға 10 ақпанда кешке болған. Ставропольдегі көпқабатты үйлердің бірінде әйел кішкентай баласының қатты жылағанына ашуланып, оны жастықпен тұншықтырып өлтірген. Полицияны жұмыстан үйіне оралған қыздың әкесі шақырған.
Ресей Федерациясының Қылмыстық кодексінің 105-бабының 2-бөлігінің «в» тармағы («жас баланы өлтіру») бойынша әйелге қатысты қылмыстық іс қозғалды.
