Қазақстандық танымал әнші Ерке Есмахан әлеуметтік желіде әзіл аралас жазба қалдырып, ел назарын өзіне аударды. Әнші өзінің Қазақстандағы 7 бай әйелдің қатарына кірмей қалғанына қынжылысын білдіріп, бұл жағдайға қатысты ойын Instagram желісінде бөлісті, деп хабарлайды Тodayinfo ақпараттық порталы.
«Рилс қарап отырып, өзімді көріп қуанып кеткенмін ғой. Қазақстандағы 7 бай әйелдің қатарына кірем екен-ау деп. Сөйтсем, мен жоқпын. 10 млн доллардай жетпей тұр екен соңғы орынға», – деп жазды Ерке.
Еске сала кетейік, бұған дейін Ерке Есмахан Америка Құрама Штаттарындағы концерті жоспарланған уақытта өтпейтінін хабарлаған еді. Бұл жағдай виза уақытының сәйкессіздігіне байланысты болған.
Әншінің әзілге толы жазбасы әлеуметтік желі қолданушылары арасында қызу талқыға түсті. Желі қолданушылары Еркені қолдап, алдағы уақытта бұл тізімге міндетті түрде енетініне сенім білдірді.
Бай әйелдердің көшін Динара Құлыбаева бастап отыр.
