Астана қалалық мәслихаты қоқыс шығару және жинау қызметі үшін жаңа тарифті бекітті, деп хабарлайды Тodayinfo ақпараттық порталы.
Бұрын көпқабатты тұрғын үйде тұратын бір адам үшін тариф 309 теңге болса, енді ол 637 теңгеге дейін өсті. Ал жер үйлерде тұратын тұрғындар үшін жаңа тариф – 679 теңге.
Астана қалалық әкімдігінің Қоршаған орта және табиғатты пайдалану басқармасының басшысы Дәулет Досқұловтың айтуынша, мүмкіндігі шектеулі бала өсіріп отырған отбасылар мен көпбалалы отбасылар үшін бұрынғы жеңілдіктер сақталады.
«Бұған дейін тұрғындардан келіп түскен ескертулер мен ұсыныстарды ескеріп, көпқабатты үйлерде бір адам үшін тарифті 637 теңге, ал жер үйлерде 679 теңге мөлшерінде бекітуді ұсынамыз», – деді Дәулет Досқұлов.
