Құжатқа Coventry University Kazakhstan президенті Мирас Дәуленов пен «Қаржы орталығы» АҚ басқарма төрағасы Асқар Ибраимов қол қойды, деп хабарлайды Тodayinfo ақпараттық порталы.
«Келешек» жүйесіне сәйкес бала 5 жасқа толған кезде мемлекет бастапқы білім беру капиталы ретінде 60 АЕК (235 920 теңге), ал ата-анасының қамқорлығынсыз қалған жетім балаларға 120 АЕК (471 840 теңге) көлемінде қаражат аударады. Сондай-ақ жыл сайын 5-7% мөлшерінде мемлекеттік сыйақы, банк-қатысушының сыйақысы немесе өмірді сақтандыру компаниясының инвестициялық табысы төленеді.
«Coventry University Kazakhstan сияқты әлемнің үздік университеттерінің «Келешек» жүйесіне қолдау көрсетуі қазақстандық жастар үшін ерекше мүмкіндік ұсынады. Бұл тек әлемдік деңгейдегі сапалы білімге қолжетімділікті қамтамасыз етіп қана қоймай, сондай-ақ студенттеріміздің халықаралық алаңда бәсекеге қабілетті болуына да ықпал етеді. «Келешек» жүйесі жас ұрпақтың әлеуетін жүзеге асыруға мүмкіндік берсе, ал шетелдің жетекші жоғары оқу орындарымен ынтымақтастық, Қазақстан мен әлемдік білім беру қауымдастығы арасындағы байланыстарды нығайтып, еліміздегі жастардың жан-жақты өсіп-дамуына жол ашады», – дейді «Қаржы орталығы» АҚ Басқарма төрағасы Асқар Ибраимов.
Аталған қаражатты жоғары білім алу мақсатында жұмсауға болады, яғни, бұл балаларға ерте жастан бастап болашақтағы оқуына қажетті қаражатты жинақтауға мүмкіндік береді.
«Coventry University Kazakhstan алғашқылардың бірі болып «Келешек» бірыңғай ерікті жинақтау жүйесін құру бастамасына қолдау көрсетті. Университет талантты жастарды демеуге бағытталған әлеуметтік жоба ретінде әлемдік білім беру стандарттары мен оқу процесіне жаңашыл тәсілдерді біріктіріп, студенттерге сапалы әрі тиімді британдық білімге қол жеткізу мүмкіндігін ұсынуда», – деп атап өтті Coventry University Kazakhstan президенті Мирас Дәуленов.
