Павлодар облысында полиция қызметкерлері жұмысқа жеке көлігімен кетіп, із-түзсіз жоғалып кеткен 52 жастағы кәсіпкердің өлімін тергеуде,деп хабарлайды Todayinfo.kz.
Кәсіпкерді іздеу бір тәуліктен астам уақытқа созылған.
«Іздестіру шаралары барысында полиция қызметкерлері бұрын хабар-ошарсыз кеткен азаматтың мәйітін тапты. Бұл фактіге қатысты «Кісі өлтіру» бабы бойынша қылмыстық іс қозғалды. Қылмысқа қатысы бар адамды анықтау және ұстау бойынша жедел іздестіру шаралары жалғасып жатыр»,– деп мәлімдеді Павлодар облысы Полиция департаментінің баспасөз қызметі.
Қазіргі уақытта тергеу амалдары жүргізілуде. Полиция қылмыстың мән-жайын анықтауға бағытталған жұмыстарды жалғастыруда.
