Шахматтан экс-әлем чемпионы Магнус Карлсен подкастер Джо Роганға берген сұхбатында Алматыда өткен шахмат чемпионаты туралы айтып, шаһардың экологиялық жағдайына көңілі толмағанын білдірді, деп хабарлайды
Todayinfo.
«Шахматтан әлем чемпионаттары көбіне ерекше жерлерде өтеді. Бұл чемпионат Алматыда өтті. Ал бұл өңір, кем дегенде қыста, өте ластанған және аса жайлы емес. Алматының төменгі бөлігінде, қала ішінде болу мүлдем мүмкін емес», — деді норвегиялық гроссмейстер.
Десе де, спортшы қаладан бір сағаттық жерде көз тартарлық таулар бар екенін, онда тамаша уақыт өткізуге болатынын атап өтті. Ол қонақжайлылық үшін алғысын білдіріп, Қазақстанның табиғаты ерекше әсер еткенін жеткізді.
«Қаладан бір сағаттық жерде сіздерде Альпіге ұқсас керемет таулар бар. Олар 3,5 мың метр биіктікке дейін көтеріліп, таңғажайып көрініс сыйлайды. Тау басына шығып, керемет шаңғы демалысын өткізуге болады», — деді Карлсен.
Еске салайық, норвегиялық гроссмейстер Магнус Карлсен Алматыда жедел шахмат бойынша (рапид) өткен 2022 жылғы әлем чемпионатын жеңіп алған еді.
