Танымал әнші Айгүл Иманбаева өзінің тұрмыс құрғанына 1 жыл толғанын айтып, әлеуметтік желідегі парақшасында видео бөлісті, деп хабарлайды Todayinfo ақпарат агенттігі.
«Кеш жарық, қадірлі менің оқырмандарым! Былтырғы 2024 жылдың 23 ақпаны күні жолдасым Ерлан екеуміздің заңды некеге отырып, шаңырақ көтерген күніміз болатын. Биыл 1 жыл толып отыр. Құттықтап қоюларыңызға болады. Әрбір адам баласының тағдыры – бір Жаратушының қолында. «Әйел қырық шырақты» деген осы шығар. Әрбір әйел бақытты болуға лайықты!», – деп жазды әнші.
Алайда әншінің жолдасының ерінінен сүйген сәті кейбір желі қолданушыларына жақпай қалды.
«Ерсі емес пе мынау?», «Қартайғанда дәл осы көріністің не керегі бар?», «Фууу, былш етіп аузынан сүймесе болмай ма?» – деп сынға алды кейбір оқырмандар.
Дегенмен, өнер иесін құттықтап, бақыт тілегендер де аз болған жоқ.
Посмотреть эту публикацию в Instagram
