Фотоколлаж: Azattyq Rýhy/Әбілқасым Есентаев
Назарбаев университетінде дәретханада отырған қыздарды камераға түсіріп жүрген екінші курс студенті айыппұлмен құтылып кетті, деп хабарлайды Todayinfo.
Оқу орнының баспасөз қызметі студенттің осы оқиғадан кейін кампустан шығарылғанын хабарлаған. Өз кезегінде Астана полиция департаменті қылмыскерді анықтап, жауапкершілікке тартқанын хабарлады.
«Әкімшілік құқық бұзушылық туралы кодекстің 434-бабының 1-бөлігі «Ұсақ бұзақылық» бойынша құқық бұзушыға 20 АЕК – 78 640 теңге әкімшілік айыппұл салынды», — деп хабарлады Астана сотының баспасөз қызметі.
Trends әлеуметтік желісінде қолданушылардың бірі оқу орнындағы жағдай туралы айтты. Оқу орнындағы жағдайды журналист Михаил Козачков Telegram парақшасында жариялады.
«Назарбаев университетінде студент жігіт дәретханада қыздарды түсіріп алған. Одан түрлі зардап шегушілер түсірілген 30 видео бар. Ол жігітке не болатыны әзірге белгісіз. Университет ресми мәлімдеме жасаған жоқ. Біз зардап шегушілер үшін әділеттілік болғанын талап етеміз. Репутация үшін үнсіз қалғанды тоқтатыңыздар», — деп жазған еді decolonized.icon атауын қолданған желі қолданушысы.
Ақпарат көзі. azattyq-ruhy
