Тележүргізуші Руслан Өтепбай бүкіл қазақ елін жылатқан Назгүл мен Құндыздың қазіргі өміріне бағдарлама арнады, деп хабарлайды Todayinfo.
Руслан Өтепбай қыздарға тосынсый жасады
Бағдарлама басында тележүргізуші базарға барып, қыздарға киім-кешек алып, еш ескертусіз олардың көңілін көтерді.
Құндыз болашаққа деген армандарымен бөлісті:
«Жігіт болса, тұрмысқа шыққым келеді. Денсаулығым жақсы, тек кейде талмам ұстап қалады», – деді ол.
Қыздар өз жағдайларының жақсы екенін айтып, әзілдесті:
«Боянатын заттарымыз жоқ», – деп күлісті олар.
Күтуші мен тележүргізуші арасында пікірталас болды
Бағдарлама барысында Руслан Өтепбай қыздардың жүдеп кеткенін байқағанын айтты.
«Қыздар азып кеткен секілді. Сізді кінәлап жатқан жоқпын, Зульфия ханым, өзіңізге алмаңыз», – деді тележүргізуші.
Бұл пікір күтуші Зульфия ханымның ренішін тудырды.
«Тырнақтың астынан кір іздеп тұрған сияқтысыз. Тамақтары тоқ, қаншама қиыншылықтан алып шықтым, рас па? 8 ай сіздерде жатты. Өз үйіңізде тұрды. Емдеттіңіз. Үй қайда деп сұрайды, үйді ешкім бермеді. Қанша баланы өсіріп келдім. Ақталмаймын мен», – деп жауап берді күтуші.
