Журналист Бибігүл Дәулетбекқызы әлеуметтік желідегі парақшасында Қазақстанның зайырлы мемлекет екенін айтып, діни радикализмге қатысты пікір білдірді, деп хабарлайды Todayinfo ақпарат агенттігі.
Атырауда сақалдыларды тексеру шарасы өтті
Видео авторының айтуынша, құқық қорғау органдары Атырау қаласындағы «Дина» базарында сақал қойған ер адамдарды жаппай тексеріп, кейбірін ұстап әкеткен.
Бұл шараға қатысты Бибігүл Дәулетбекқызы өз қолдауын білдірді.
«Меніңше, бұл өте дұрыс шешім. Біздің ел – ислам мемлекеті емес! Біз – зайырлы мемлекетпіз. Қазақсың ба? Қазақ түріңмен жүр!Балақ кесіп, қауғадай сақал қойып, ‘Қазақ ұлты бұрын болмаған, сахабиттер келіп көзін ашты, бұрын қазақтар кір-қожалақ жүрді, дін келген соң ғана адам кейіпіне енді’ деп *ТикТокта сандырақтап отырған уағызшыларды да жазалау керек!» – деп жазды ол.
Журналист екі жыл бұрынғы оқиғаға да тоқталды
Сондай-ақ, Бибігүл Дәулетбекқызы Атырау әуежайында толығымен қараға оранған әйелдерді көріп шошып кеткенін жасырмады.
