Қазақстандық әнші, Бүркіт есімімен танымал Айбек Жансейітов ата-анасын туған күнге орай Дубайға демалысқа жібергенін мәлімдеді,деп хабарлайды Todayinfo.
Әнші өзінің Instagram парақшасында әкесінің теңіз жағасында күнге қыздырынып, бассейнде шомылып жүрген видеоларын бөлісті.
«Биыл әкемнің туған күні қарсаңында ата-анамызды той жасаудың орнына Дубайда он шақты күн демалып келсін деп шештік. Сөйтіп, ұшаққа отырғызып, бес жұлдызды қонақүйге жібердік. Қазір ораза айында ол жақтың ауа райы өте жақсы. Ағам оларды қарсы алып, тамаққа апарып тұрды, шомылдырды, бар жағдайын жасады. Тіл білмеген соң қиын ғой. Бірақ олар бізсіз жақсы демалып қайтты. Ата-анамыз барда, біз бақытты жанбыз», – деп жазды Бүркіт.
