Фото: AFP
Мьянмадағы жойқын жер сілкінісінен қаза тапқандар саны 1700 адамға жетті. Ал іс-түзсіз жоғалғандар саны күн сайын өсіп жатыр. 300 адамның қайда екені белгісіз, деп хабарлайды Синьхуа басылымына сілтеме жасаған Todayinfo.
29 наурызда олардың саны 1600-ден асқаны хабарланды. Сонымен қатар, 3400 адам зардап шекті, жүздеген азамат із-түзсіз жоғалғандар тізімінде. Үйіндіні тазарту жұмысы кезінде қаза тапқандар саны әлі де артуы мүмкін.
Бірнеше мемлекет зілзаланың зардабымен арпалысып жатқанда, тағы бір жойқын жер сілкінісі тіркелді. Тынық мұхитының оңтүстік-батысындағы Тонга жағалауында магнитудасы 7,1 балдық жер сілкінісі тіркелді.
АҚШ Геологиялық қызметі (USGS) жер сілкіністері Тонгадан солтүстік-шығысқа қарай 100 шақырымдай жерде болғанын мәлім етті.
Тынық мұхитындағы цунами туралы ескерту орталығы зілзала ошағынан 300 шақырым қашықтықтағы жағалау сызығында қауіпті толқындар болуы мүмкін екенін айтты. Әзірге залал туралы ақпарат түскен жоқ.
