Өзін медиа менеджер ретінде таныстыратын Жанәділ Райымбеков мектеп оқушылары арасындағы ерте жүктілік мәселесін көтеріп, қыздардың қысқа юбка киюіне рұқсат берілгенімен, орамал тағуға тыйым салынғанын сынға алды, деп хабарлайды Todayinfo ақпараттық агенттігі.
Ол Instagram парақшасында жариялаған видео-үндеуінде Түркістан облысында 400-ден астам мектеп оқушысы жүкті болып қалғаны туралы дерекке тоқталып, бірақ қоғамда бұл мәселені шешудің орнына қыздардың киім үлгісіне қатысты екіұшты саясат жүргізіліп отырғанын айтты.
«Мектепке тізеден жоғары юбка киіп баратын қыздар өте көп. Бұл қалыпты жағдай сияқты қабылданады. Бірақ сол мектептерде жүкті болып қалған 400-ден астам оқушы туралы ешкім дабыл қақпайды. Орамал таққан қыздың мәселесін министрлік деңгейінде көтереді, ал қысқа юбка киіп жүрсе, ешкім үндемейді»,- дейді Райымбеков.
Сондай-ақ ол қазақ дәстүрінде қыздардың жалаңбас жүрмегенін, қоғамда ЛГБТ өкілдеріне еркіндік беріліп жатқанын, ал орамал тағуға тыйым салынғанын әділетсіздік деп санайды.
Желі қолданушылары оның пікірімен екіге бөлінді.
📌 Кейбір пікірлер:
🔸 «Мектепте ұл мен қызды бөлек оқыту керек»
🔸 «Жүкті болып қалатындар көбейіп барады, бақылау күшеюі тиіс»
🔸 «Қазақ қызы хиджаб емес, тақия киген»
🔸 «Бұл кісі басқа ағымда емес пе?»
Санаулы сағат ішінде 300 мыңнан астам қаралым жинаған бұл видео қоғамда қызу талқылануда.
Посмотреть эту публикацию в Instagram
