Танымал әнші Ерке Есмахан өзінің Instagram парақшасында оқырмандарымен сұхбаттасып, түрлі сауалдарға жауап берді. Көпшілік арасында қызу пікірталас тудырған сұрақтардың бірі – психологтардың «күйеуін алдауды біледі» деген тұжырымына қатысты болды,деп хабарлайды Todayinfo.
«Адамды емес, сезімді сүйіңіз»: Еркенің күтпеген жауабы
Әнші бұл пікірге батыл әрі философиялық көзқарас білдіріп, психологтар мен әйелдер қауымына өз ойын ашық жеткізді:
«Қателеседі олар. Ешкімді алдамаймын. Психологтарға да айтарым бар. Әйелдерге еркектің өзін емес, оған деген махаббатты жақсы көруді үйретіңіздер. Сонда ішкі сезім артады, өміріңіз жарқырай түседі. Адамға емес, сезімге ғашық болыңыз. Сол кезде еркек те сізге ғашық болады», – деді әнші.
Сондай-ақ ол махаббатқа, ішкі күйге, химияға және әйел затының өзіндік болмысына ерекше мән беру керек екенін атап өтті.
Курс ашуға қатысты пікір: «Еріншекпін қатты»
Әлеуметтік желіде белсенді әншілердің бірі ретінде танылған Ерке Есмахан қыздарға арналған коучинг курстарын бастау жайлы да пікір білдірді. Алайда бұл бағытта әзірге жоспар жоқ екенін айтты.
«Қыздар, курс ашар ем, но не хочу. Еріншекпін қатты», – деп жазды ол.
