Блогер, коуч және медиатұлға ретінде танымал Нұрлан Жанайдың әлеуметтік желідегі жазбасы жұрт назарын аударды. Ол ер мен әйелдің отбасындағы рөліне қатысты пікір білдіріп, қоғамда қызу талқылау туғызды, деп хабарлайды Todayinfo.
Жанайдың айтуынша, еркек қанша жерден кемшілігі болса да, оның үйде болғаны әйелге пайдалырақ.
«Алтын басты әйелден, бақыр басты еркек артық. Бұл менің сөзім емес, атам қазақтың сөзі. Еркегіңіз қанша жерден жаман болсын, ақша таппай үйде жатсын, ол лудоман, алқаш болсын – оның тірі жүргені сізге пайдалы негізі», – деп жазды ол.
Сондай-ақ ол қазіргі қоғамда көптеген әйелдер еркектерінің кемшілігін теріп, отбасынан айырылып жатқанын, нәтижесінде балаларын жалғыз тәрбиелеуге мәжбүр болып жүргенін атап өтті.
«Көп әйелдер соңғы кезде еркектерінің кемшілігін теріп, оларды аңдимын деп нешетүрлі былықтарын ашып, еркексіз қалып жатыр. Жалғыз балаларды асыраймын деп, оларға дұрыс тәрбие бере алмай жүрген әйелдер көп. Еркек қанша оңбаған болсын, нашар адам болсын – бәрібір еркек үйде жүргені абзал», – деді Жанай.
Посмотреть эту публикацию в Instagram
