Фото: видео скриншот
Біраз уақыт бұрын Қарағанды облысында жергілікті фермердің өз жерін таптаған жылқыларды атып тастағаны туралы ақпарат тараған еді. Бүгін Instagram желісінде өзін сол фермердің қызы ретінде таныстырған әйел бұл мәліметті жоққа шығарып, мәлімдеме жасады, деп хабарлайды Todayinfo.kz ақпарат агенттігі.
Оның айтуынша, әлеуметтік желіде тараған жазбалар мен бейнелер — шындыққа жанаспайтын жала.
«Менің әкем Қарағанды облысы Нұра ауданында жылқыларды атуға қатысы бар деген жалған ақпарат тарап жатыр. Бұл — шындыққа сәйкес келмейді. Ол «ауқатты адам» емес, күнін әрең көріп отырған қарапайым шаруа. Көршілерімен ешқашан жанжалдаспаған, жануарларға да зорлық көрсетпеген», — дейді ол.
Айтуынша, әлеуметтік желідегі айыптаулардан кейін оның әкесі заңсыз айыпталып, жұрт алдында қараланған.
«Қазір ол пневмониямен ауырып, ауыр халде жатыр. Соған қарамастан, ауруханаға жатқызуға және тиісті ем алуға мүмкіндік бермей отыр», — дейді қыз.
Сондай-ақ ол әкесіне қатысты жағдай отбасына да қауіп төндіріп отырғанын мәлімдеді.
«Біздің үйге жылқылардың иелері келіп, анам мен екі жастағы баланы қорқытқан. Ер адамдар өз беттерінше «жазаламақ» болып, әкемді беруді талап еткен. Бұл біздің қауіпсіздігімізге нақты қауіп төндірді», — дейді ол.
Әйел БАҚ пен қоғам өкілдеріне тексерілмеген ақпарат таратпауға, ал құқық қорғау органдарын объективті және әділ тергеу жүргізуге шақырды.
«Біз шындықтың орнайтынына сенеміз. Отбасымызға қысым мен қорқыту әрекеттері тоқтатылсын», — деп жазды ол Instagram парақшасында.
Посмотреть эту публикацию в Instagram
