Қазақ бейнелеу өнерінің негізін қалаған, қазақтың тұңғыш суретшісі Әбілхан Қастеевтің туғанына 120 толуына орай Әуезов ауданында «Ғажап әлем бояулары» атты аудандық жас суретшілер байқауы өткізіледі.
- Байқаудың мақсаты:
Жас ұрпаққа қазақ бейнелеу өнерінің негізін қалаған, қазақтың тұңғыш суретшісі Әбілхан Қастеевтің азаматтық һәм шығармашылық тұлғасын насихаттау;
Жас ұрпақтың көркемдік, шығармашылық қабілеттерін дамыту және олардың кәсіби бағдарлануын ынталандыру.
- Байқауды ұйымдастырушы — Әуезов аудандық Мәдениет және тілдерді дамыту бөлімі.
- Байқауға аудан мектептерінің оқушылары қатысады. Байқау қорытындысы бойынша жеңімпаздар І, ІІ, ІІІ дәрежелі дипломдармен және арнайы номинациялармен марапатталады.
- Байқаудың өтетін орны мен уақыты:
Әуезов ауданындағы №175 «Жаңа ғасыр» гимназияның акт залында, 2024 жылы, 24 қаңтар, сағат 10.00-де басталады. Тіркелу сағат 9.30-да.
- Байқауға Әуезов аудандық Мәдениет және тілдерді дамыту бөлімі мен Қазақстанның еңбек сіңірген суретшілері қазылық етеді.
Барлық Бұқаралы ақпарат құралдарының өкілдерін қазақ бейнелеу өнерінің негізін қалаған, қазақтың тұңғыш суретшісі Әбілхан Қастеевтің шығармашылығын насихаттауға үлес қосуға шақырамыз!
фото: culturemap.kz
Todayinfo.kz
