Наурыз қазақтың ұлттық мерекесі! Ол бізді түрлі келеңсіздіктерден, түрлі шабуылдардан қорғайтын жалғыз діңгегіміз, деп хабарлайды Todayinfo.
Тәңірден тілеген жаңа жылымыз — Наурыз мейрамы құтты болсын! Түске дейін аузымыз аққа толып үлгерсін, наурыз көже мол болсын деп құттықтаған сарапшы, тағыда әсіредіншілдерді түйреп өтті.
«Наурыз қазақтың болмысын, ішкі ұлттық діңгегін қорғай берсін. Қазірдің өзінде ол бізді радикализмнен қорғайтын ұлттық иммунитет құрып тастады. Наурыз, домбыра, қобыз, қымыз бен ет қатар тұрып, сырттан келген озбыр жауға қарсы тұруда.
Домбыра қылыштан да өткір қару екеніне көз жетті. Қос ішекті алмас қазаққа шапқан қара жамылған жаудың басын кесе білді, қазақтың соқыр діни нанымнан жоғары болуы тиіс ұлттық рухын қайта тірілтті.
Наурыз тек мейрам емес. Ол біздің соңғы ұлттық қамалымыз. Арымыз, ата-баба алдындағы аманатымыз. Осыны ұмытпайық», — деп жазды Айбар Олжай.
