Мәжіліс депутаты Айдарбек Ходжаназаров Руслан Берденовке қатысты орын алған атыс оқиғасына пікір білдірді,деп хабарлайды Todayinfo.
Ходжаназаровтың айтуынша, Руслан Берденовке үш рет оқ атылған, және бұл ауыр жарақатпен аяқталған шабуылдан аман қалуы – нағыз өмір үшін күрес болған. Ол қазіргі таңда Берденовтің жағдайы тұрақтанғанымен, оңалту процесі ұзаққа созылуы мүмкін екенін атап өтті.
«Бәрі жақсы, дегенмен ол ауыр жарақат алған. Оған үш рет оқ атылған. Мұндай шабуылдан, мұндай атыстан аман қалу өте қиын. Оңалту біраз уақытты алады. Қатты уайымдадық», – деді депутат.
Айдарбек Ходжаназаров бұл оқиғаның артында ешқандай саяси астар жоқ екенін баса айтты. Оның пікірінше, бұл — жеке сипаттағы тұрмыстық қылмыс.
«Менің ойымша, бұл жерде саяси астар жоқ. Бұл – жеке мәселе. Ешқандай нұсқаға сенбеймін. Бұл қарапайым тұрмыстық қылмыс деп ойлаймын. Ол (Берденов – ред.) әзірге жауап бере алмайды», – деді депутат.
Оқиғаға қатысты тергеу амалдары жалғасуда. Қоғам тарапынан бұл іске қызығушылық жоғары, ал ресми органдар әзірге толық ақпарат таратқан жоқ.
