Бишімбаевтардың сотта сөйлеген сөздерін жәрірленуші тарап арсыздық деп бағалады. Ол қарындасына күйе жақпақ болған Бишімбаевтарға жауап берді, деп хабарлайды Todayinfo агенттігі.
«Анасы шамасы, бұл отбасылық дау деп шешсе керек. Салтанаттың сол күні мас болған-болмағанын жақсырақ білем деп санайды. Ол өзін заңнан, сарапшылардан және басқалардан жоғары санайды. Сөйлеген сөзінің арсыздығы таңғалдырады, олар осы уақыт ішінде Салтанаттың абыройына тіл тигізіп, оның үстіне бізге алғыс айтып қояды. Алғыс айтудың қажеті жоқ, соттан кейін айта жатарсыздар», — деді Амангелді сенбідегі сотта.
Салтанаттың ағасы Байжановтың қорғаушыларының айтқанында логика жоқ деп есептейді. Айтбек Амангелді Бишімбаев туралы бірдеңе айтудың өзі артық деп шешті.
«Байжановтың әйелі орыс тілін жақсы біледі. Орыс тілінде көп жарияланымдар жасады, менімен орыс тілінде сөйлесті, мұнда ол қазақ тілінде әдемі сөйлеп, қызы барын, әкелерінің балалары көрмегенін айтады. Менің ата-анам да қызын енді ешқашан көре алмайды. Байжанов айтқан бұл сөзді біреу жазып берген, ол сізге өкініп, бастан кешкендері жайлы мәтінді құрғақ оқып шықты. Мұның бәрі қарапайым, шынымды айтсам, мені және менің отбасымды қорлауға айналды, — деді ол.
Ол сондай-ақ сотты Бишімбаевтың адвокаттары жарыссөз барысында жіберген заңбұзушылықтарға жауап беруге шақырды.
«Құсайынова кеше ресейлік сараптама материалдарын көрсетті. Соттан оған қатысты қаулы шығаруды сұраймын. Ғазымжанов Салтанаттың денесінің суреттерін көпшілік алдында көрсетем деп шешім қабылдады. Бұл фотосуреттер интернетте тұр. Мұндай кадрлар соттан тыс қалмас үшін мен осы сот шеңберінде сұрағаным — осы суреттердің таралмауы еді. Менің ата-анам мұны барлық жаңалықтардан көрмесін дедңм. Ғазымжановтың «арқасында» тарап кетті», — деді жәбірленуші Амангелді.
Алдын ала тыңдаудан кейінгі соттарға журналистер кіруге мүмкіндік алды. Сот барысы Қазақстан Республикасының Жоғарғы сотының ресми сайтынан тікелей эфирден көрсетіледі.
