Қазақстандық танымал әнші Алмас Кішкенбаев жаңа шығармашылық белесті бағындыруда. Ол өзінің Instagram парақшасында «Қымбат» атты жаңа әнінің жуырда жарық көретінін хабарлап, тыңдармандарына жүрекжарды үндеу жолдады,деп хабарлайды Todayinfo ақпараттық агенттігі.
«Қымбаттылар! Жуырда жаңа әнім жарыққа шығады. Сіздердің әнге деген қолдауларыңызды күтемін», – деп жазды әнші әлеуметтік желіде.
Кішкенбаевтың бұл туындысы – оның сахнаға оралғанын айғақтайды. «Қымбат» әні – әншінің өмірлік тәжірибесі мен сезімін паш ететін, терең мағыналы туынды. Тыңдармандар арасында жаңа әнге деген қызығушылық артып келеді.
Еске сала кетейік, 2025 жылдың ақпан айында Алмас Кішкенбаев әкімшілік құқықбұзушылық үшін 15 тәулікке қамауға алынған болатын. Бұл жағдай қоғамда резонанс тудырған еді. Дегенмен, әнші бұл кезеңнен кейін шығармашылығына жаңа серпінмен оралып отыр.
Посмотреть эту публикацию в Instagram
