Құтқарушылар «Алматы-Бішкек» республикалық маңызы бар автожолында тұрып қалған көлікті эвакуациялады.
ТЖМ баспасөз қызметінің мәліметінше, кеше сағат 19:50-де Алматы облысының Жамбыл ауданында жол жамылғысының нашарлығы салдарынан «Алматы-Бішкек» республикалық маңызы бар автожолында 30 шақырымдық кептеліс пайда болғаны туралы хабарлама түскен. Дала жолымен осы учаскені айналып өтуге тырысқан 5 көліктің жүргізушісі балшықта қалып қойды. Оқиға орнына ТЖД мен ЖАО-ның 4 қызметкері мен техникасы шықты.
Сондай-ақ ПД және «Қазавтожол» қызметкерлері жұмыс істеді. Сағат 2:55-те 3 адам, оның ішінде 1 бала бар көлік эвакуацияланды.
