Фото: polisia.kz
Алматы облысында құқық қорғау органдары арнайы операция барысында бірнеше алаяқтық әрекеттің жолын кесті, деп хабарлайды деп хабарлайды Тodayinfo ақпараттық порталы.
Алаяқтық схемалар қалай жүзеге асқан?
Қонаев қаласының 31 жастағы тұрғыны азаматтардың сеніміне кіріп, заңсыз қаржылық пайда тапқан. Тергеу барысында оның тағы бір алаяқтық іске қатысы бар екені анықталды – күдікті ауыр дертке шалдыққан балаға емге қаражат жинау сылтауымен адамдарды алдаған.
Тағы бір жағдай 26 жастағы азаматқа қатысты. Ол өзін жүк тасымалдаушы ретінде таныстырып, тауарды жеткіземін деген уәдемен 180 мың теңгені заңсыз иемденген.
Құқық қорғау органдарының мәлімдемесі
«Барлық фактілер бойынша қылмыстық істер қозғалып, тергеу амалдары жүргізілуде. Құқық қорғаушылар күдіктілердің басқа да алаяқтық әрекеттерге қатыстылығын тексеруде. ANTI-FRAUD операциясы жалғасуда. Полиция азаматтарды сақтық танытып, алаяқтық схемалары туралы хабарлап отыруға шақырады», – деп мәлімдеді киберполиция қызметкерлері.
