Алматы облысы Еңбекшіқазақ ауданының № 2 аудандық сотында 10 маусым 2025 жылы, Алматы облысы Енбекшіқазақ ауданының № 2 аудандық пробация қызметінің ұсынысы бойынша сотталған С. пробация бақылаудың шарттарын бұзған үшін бас бостандығын шектеудің өтелмеген мерзімін бас бостандығынан айыру түріндегі жазамен ауыстыру туралы ұсынысы бойынша сот отырысы өткізілді, деп хабарлайды Todayinfo.
«С. Алматы облысы Қапшағай қалалық сотының 2022 жылғы 24 мамырдағы үкімімен Қазақстан Республикасы Қылмыстық кодексінің 190-бабының 3-бөлігі 1,4 тармақтарымен кінәлі деп танылып, 4 жыл 6 айға бас бостандығын шектеу жазасы тағайындалған. Сот үкімі заңды күшіне енген. Сот үкімімен С.-ға пробациялық бақылау белгіленіп, қалған 4 жыл 6 ай пробациялық бақылауға есепке алынды», — делінген хабарламада.
Сот сотталған С. 26 сәуір 2024 жылы Еңбекшіқазақ аудандық №2 пробациялық қызмет бөліміне есепке алынған, алайда сотталған С. сот қаулысында көрсетілген шектеулер мен міндеттерді бұзып, жасырынып кеткен және қазіргі тұрған жері белгісіз, тұрғылықты мекен жай бойынша тұрмайтыны анықталған.Осыған байланысты сот 26 наурыз 2025 жылы іздеу жариялап қамаққа алу туралы қаулы шығарған. 28 сәуір 2025 жылы сотталған С. қамаққа алынды.
Сот отырысында Еңбекшіқазақ ауданының № 2 пробация қызметінің өкілі ұсынысты қолдап, қанағаттандыруды сұрады.
Сот шешімі
Алматы облысы Қапшағай қалалық сотының 2022 жылғы 24 мамырдағы үкімімен сотталған С. тағайындалған бас бостандығын шектеу жазасының өтелмеген бөлігі, яғни 2 жыл, 1 ай, 16 күн мерзімге бас бостандығынан айыру жазасына ауыстырылды, жазасын қылмыстық-атқару жүйесінің орташа қауіпсіз мекемесінде өтеу белгіленді .
«Сотталған С.-ға қатысты қаулы заңды күшіне енгенге дейін «күзетпен ұстау» түріндегі бұлтартпау шарасы таңдалып, дереу сот залынан қамауға алынған.
Мұндай жайттың алдын алу мақсатында сот отырысына, есепте тұрған бас бостандығынан шектеу жазасын өтеп жатқан әйел адамдар шақырылды. Судья жазаны өтеу тәртібін сақтау қажеттігін түсіндірді. Сот қаулысы заңды күшіне енді», — деп хабарлады Алматы облысы Еңбекшіқазақ ауданының № 2 аудандық сотының баспасөз қызметі.
