Алматыда «Комфорт сити» тұрғын үй кешенінде әйел 18-қабаттан үш жасар баласымен бірге секіріп кетті, деп хабарлайды Todayinfo.
Оқиға орнына жеткен жедел жәрдем қызметі әйелдің сол жерде көз жұмғанын растады.
2021 жылы туған бала шұғыл түрде медициналық көмек көрсету орталығына жеткізілді. Дәрігерлер оның жағдайын өте ауыр деп бағалап, өміріне қауіп төніп тұрғанын мәлімдеді.
Алматы қалалық Қоғамдық денсаулық сақтау басқармасының баспасөз қызметі баланың жағдайының ауыр екенін растады. Құзырлы органдар оқиғаның себептерін анықтап жатыр.
