Алматыда ақылы автотұрақ құны қымбаттайды. Бұл қаладағы көліктің көптігін азайту үшін жасалмақ. Алматыда атқарылатын жұмыстар туралы қала әкімі БАҚ басшыларымен кездесу барысында айтты, деп хабарлайды Todayinfo ақпараттық агенттігі.
Дархан Амангелдіұлының сөзінше, Алматы көшелеріне күн мацын бір миллионға жуық көлік жүреді. Олардың арасында экологияға аса көп зиян тигізетін ескі машиналардың саны екі жүз мыңға жуықтайды.
«Алматыда алты жүз мыңнан астам машина тіркелген. Сырттан қалаға күніне 400-500 мың көлік кіреді. Олардың санын азайту мақсатында қоғамдық көліктерге басымдық береміз. Ақылы автотұрақтардың бағасын қымбаттатамыз. Автотұраққа кіретін ескі көліктердің ақысы да жоғарырақ болады. Жылы жаңа машиналардың ақысы төменірек болады», — деді қала әкімі.
Оның сөзінше Алматының орталық аудандарында көлік тығыздығы жоғары. Облыс және қаланың шет жағында тұратын тұрғындар балаларын орталықтағы мектептерде оқытады, әрі жұмыс үшін де қаланың орталығындағы аудандарға көп келеді.
«Тазалықтан бастап экономикаға дейін барлығын қадағалаймын. Талап қоямыз. Жауапкершілік танытпаса, бір ескертем, екі ескертем, үшінші ретінде шара қолданылады. Қаржы Алматыда барлығына жетеді. Шеткі аудандардың да инфрақұрылымын жақсартамыз. Қаланың Алмалы, Әуезов, Медеу аудандарына көлік тығыздығы жоғары, шет аудандардан адамдар оқу мен жұмыс істеуге көп келеді адамдар»,- деді Дархан Сатыбалды.
Әкімнің сөзінше, қалада ақылы автотұрақтар саны тағыда көбейеді. Алайда оның бағасы қымбаттайды. Еске салайық, қазір Алматыдағы ақылы автотұрақтарда бір сағат тұрудың құны- 100 теңге.
