Алматыда тау бөктері жылжып, топырақ тұрғын үйді басып қалды. Жер үйдің ішінде бір отбасының төрт адам басылып қалған деген болжам бар. Құтқарушылардың мәліметінше, үйінді астында қалғандардың екеуі ересек, екеуі бала, деп хабарлайды Todayinfo ақпараттық агенттігі.
Қалалық ТЖД мәліметіне сәйкес, Алматы қаласында 8 ақпанда сағат 02-20-да Медеу ауданында Тау-Самал шағынауданында топырақ көшкіні болды. Алдын ала ақпарат бойынша техногендік сипаттағы топырақтың батпақтануына байланысты жылжыма түскен.
Оқиға орнына дереу «Қазселденқорғаудың», Алматы қалалық «109» құтқару қызметінің, Республикалық жедел-құтқару жасағының, Алматы қалалық ТЖД күштері мен құралдары ТЖМ 28237әскери бөлімінен, жедел медициналық көмек бригадасынан, Медеу ауданының әкімдігінен 160-тан астам адам және 30 бірлік техника жұмылдырылды.
Екі үйге зақым келгені анықталды.
«Техногендік сипаттағы топырақтың ылғалдануынан, көлемі 3200 текше метр болатын жылжыма түсті. Екі жеке тұрғын үйге, оның ішінде біреуіне ішінара зақым келген. Алдын ала ақпаратқа сәйкес, үйлерде төрт адам, оның ішінде екі бала болған», – делінген ТЖД хабарламасында.
Жақын маңдағы үйлердің тұрғындары эвакуацияланды. Олар № 47 мектепке орналастырылды. Оларға түнеу орны, жылы шай және басқа да қажетті көмек көрсетілді. Жиналу пунктіне орналастырылғаннан кейін бірнеше сағат өткен соң, тұрғындар өз еркімен достары мен туыстарына кетті. Оқиға орнына ТЖД басшылығы жетті. ТЖМ РЖҚЖ құтқарушылары тексеру жүргізіп жатыр.
Талдауға сәйкес, қардың едәуір мөлшерінің түсуіне байланысты орта таулы және биік таулы аймақтарда тау беткейлеріндегі қар тұрақсыздығына байланысты қар көшкіні қаупі бар. Алматы қаласында жылжыма түскен орында авариялық-құтқару жұмыстары жалғасуда
«Дәрігерлер бригадасы кезекшілікті жалғастыруда. Оқиға орнында ТЖД психологиялық тобы жұмыс істеп жатыр. Ықтимал зардап шеккендерді іздеу жалғасуда. Үйлердің жақын орналасуы, техниканы пайдалану мүмкіндігінің болмауы жұмыстарды қиындатуда. Ақпарат толықтырылатын болады. Тек ресми деректерге сенуді сұраймыз», – делінген хабарламада.
Оқиға орнына қала әкімі Ерболат Досаев келді. Ол үйінді астында қалған адамдарға жету үшін құтқару жұмыстарының әлі жалғасып жатқанын айтты.
8 ақпан 02-20 сағат ішінде «Тау Самалы» Медеу ауданы, Олимпийская көшесінің бойында техногендік топврақтың лайлануы салдарынан лай көшкіні жүрді.
