Аягөзде «Аманат» партиясының депутаты 300 млн теңге жымқырды деген күдікке ілінді, деп хабарлайды Todayinfo.kz ақпарат порталы.
Абай облысында Аягөз аудандық мәслихатының депутаты, «Аманат» партиясының мүшесі әрі жергілікті КТЖ депосының бастығы Алмас Жанатқалиев ұсталды. Бұл туралы ақпарат @Koza4kov_bot Telegram-арнасына түскен.
Ол ірі көлемдегі қаржы жымқырды деген күдікке ілінген. Алдын ала мәліметтерге сәйкес, шығын көлемі шамамен 300 миллион теңгені құрайды.
Қазіргі таңда істі Сыбайлас жемқорлыққа қарсы қызметтің экономикалық тергеу департаменті (ДЭР) тергеп жатыр.
Фото: instagram/ zhanatkaliev_a
