Құралай Нұрқаділова өзінің өміріндегі ауыр кезеңдер туралы шынайы сыр шертті. Ол анасын жалғыз қалдырмау үшін бар күш-жігерін арнағанын айтып, қиын сәттердегі өзгерістерімен бөлісті, деп хабарлайды Тodayinfo ақпараттық порталы.
«Анам менің нағыз тірегім, сырлас досым, өмірдегі ең мықты жан болды. Әкем басқа әйелге кеткеннен кейін ол жалғыз қалды. Иә, бұл — өмір. Өмірде бәрі болады. Сол кезде анамның осында жалғыз қалғанын көру маған қатты әсер етті. Сол сәтте өзіме: «Барлық жетістігімді анама арнаймын» деп шештім», — дейді Құралай.
Ол анасын қолдау үшін талай адамға көмектескенімен, өз ішкі күйзелісін жеңе алмағанын да мойындады.
«Көп адамға көмектесіп, қолдау көрсете алғаныммен, өз-өзіме шамам жетпеді. Бұл өте қиын жағдай. Мақсатсыз қалу — өмірдегі ең ауыр нәрсе екен. Бірақ уақыт өте келе бәрі қалпына келе бастады. Туған-туыстар қайтадан араласа бастады», — дейді ол.
Құралай анасының ауырып қалғанын айтып, бәрін Алланың қолына тапсырғанын жеткізді. Дегенмен бұл қиындық кезінде достары мен құрбылары қолдау көрсетіп, оған жаңа өмір бастауға көмектескен.
«Сол қиындықтардан өттім. Қазір өзім үшін өмір сүрудің не екенін түсіне бастадым. Алдарыңызда мүлдем басқа Құралай отыр. Бізге қолдау көрсеткендеріңіз үшін алғысым шексіз», — деп сөзін аяқтады ол.
