Кеңес дәуірінің ең атышулы қылмыскерлерінің бірі Андрей Чикатилоның ұлы Юрий Чикатило (Мирошниченко) Украина қарулы күштерінің (ВСУ) қатарында Харьков бағытында қызмет етуде,деп хабарлайды Todayinfo.
Аты-жөнін өзгертіп, әскери қызметке қосылған
56 жастағы Юрий Чикатило Ресейде бірнеше рет сотталғаннан кейін Украинаға көшіп, әйелінің қыз кезіндегі тегі – Мирошниченконы алған. Ол арнайы әскери операция басталған сәттен-ақ Украина қарулы күштеріне қосылған. Қазіргі уақытта ол артиллерия бөлімінде қызмет етіп жүр.
Қылмыстық өткен өмірі және заң мәселелері
Бұрын Юрий Чикатило Украинада әкесінің атымен танылып, түрлі телешоуларға қатысып, Майдан оқиғаларына араласқан. Алайда, оның майданға бару себебі патриоттық сезімнен гөрі заң алдындағы жауапкершіліктен қашу болған көрінеді.
2016 жылы оны әйелі тастап кеткеннен кейін ол ұлына алимент төлеуден бас тартқан. Сонымен қатар, банктерге қарыздар болып, жол қозғалысы ережелерін бұзғаны үшін айыппұл төлемеген. Осы себептерге байланысты Украинаның сот орындаушылары мен ІІМ оны іздестірген.
Бұған дейін рэкет, қарақшылық шабуыл және кісі өлтіруге оқталу сияқты қылмыстар үшін сотталған Юрий Чикатило өмірінің 13 жылын түрмеде өткізген. Ол сол жерде өзінің атақты қылмыскер әкесінің ұлы екенін жасырмаған.
