Фото: electrek.co
Ақ үйдегі министрлер кабинетінің отырысынан жанжал шықты. The New York Times басылымының жазуынша, Үкіметтік тиімділік департаментін (DOGE) басқаратын америкалық миллиардер Илон Маск пен АҚШ-тың мемлекеттік хатшысы Марко Рубио тағы да өзара сөзге келіп қалған.
Миллиардер Илон Маск мемлекеттік хатшы Рубионы кекетіп-мұқатуға көшкен.
Дау АҚШ-тың Халықаралық даму агенттігін (USAID) жабылуынан шыққан. Министрлер кабинетінде өткен кездесуде Рубио 20 адамның көзінше Илон Маскке деген өкпе-ренішін білдірген. Оның сөзінше, Маск шындыққа сай келмейтін мәлімдемелерді тарата береді.
Маск өз кезегінде Рубиоға пайдасы жоқ адам екенін айтқан.
«Осы уақыт бойы Трамп орындықта қолын айқастырып, теннис матчына қарап отырғандай бақылап отырды, – деп жазады басылым.
АҚ үй билігіндегі екі дөкейдің тартысы тым шиеленісе түскенде, дауға Трамптың өзі төрелік айтқан.
«Рубионың жұмысы онсыз да көп десекте Ол үнемі іссапарларда жүреді, телеарналарға сұхбат береді және агенттікті басқарады. Сондықтан, бәрі бірлесіп жұмыс істеуі керек», — деген Трамп.
